Hamrarnir og KA4 mættust í hörkuleik í Boganum í gær þar sem Hamrarnir höfðu betur eftir að hafa lent undir í fyrri hálfleik. Lokatölur urðu 3-1 í leik sem var sérstakur fyrir meira en bara úrslitin.
Leikurinn hófst með því að Hamrarnir voru meira með boltann en áttu í erfiðleikum með að skapa sér hættuleg færi gegn skipulögðu liði KA4. KA4 sóttu hins vegar hratt og sköpuðu sér margar fínar stöður. Það bar árangur á 18. mínútu þegar hinn ungi og efnilegi Birnir Skúlason kom KA4 yfir með laglegu skoti utan teigs. Staðan því 1-0 í hálfleik fyrir KA4.
Síðari hálfleikur byrjaði með svipuðu sniði og sá fyrri. KA4 fengu mörg góð færi til að bæta við mörkum en náðu ekki að nýta þau. Eftir því sem leið á hálfleikinn unnu Hamrarnir sig betur inn í leikinn og uppskáru tvö mörk með stuttu millibili úr föstum leikatriðum. Þar var að verki Guðmundur Kristinn Jónasson.
Undir lokin mættust feðgar á vellinum, en þeir Gunnar Þórir Björnsson hjá Hömrunum og sonur hans, Tristan Máni Gunnarsson hjá KA4, spiluðu báðir leikinn og tókust á í skemmtilegum feðgaslag. KA4 sótti stíft að marki Hamranna í lok leiksins í leit að jöfnunarmarki en án árangurs. Það var svo Agnar Tumi Arnarsson sem innsiglaði sigurinn í uppbótartíma fyrir Hamrarna með þriðja mark liðsins eftir skyndisókn.
Lokatölur 3-1 í drengilegum leik þar sem dómarinn þurfti ekki að lyfta neinu spjaldi.
Þar sem nöfn leikmanna á skýrslu Hamrana eru gælunöfn er ekki mögulegt að upplýsa um markaskorara og er liðið hvatt til að bæta sig í að skila inn fullnægjandi leikskýrslu fyrir næstu leiki.
Myndir: Þorsteinn Stefán Jónsson
