Um KDN

Knattspyrnudómarafélag Norðurlands (KDN) var stofnað 22. apríl 1997. Þá hafði Knattspyrnudómarafélag Akureyrar (KDA) haldið uppi starfsemi um nokkurra ára skeið, en með stofnun KDN varð þannig til félag knattspyrnudómaradómara á öllu Norðurlandi.

Meðal verkefna félagsins er að halda utan um málefni knattspyrnudómara á félagssvæðinu, að halda uppi fræðslu- og kynningarstarfsemi fyrir dómara og að skipuleggja og leggja til dómara fyrir ýmsa knattspyrnuviðburði sem fram fara á félagssvæðinu á ári hverju. Allt frá árinu 2004 hefur KDN staðið fyrir æfingamóti fyrir meistaraflokkslið karla í knattspyrnu á Norðurlandi, sem fram hefur farið í janúar og febrúar ár hvert. Mótið hefur þannig verið liður í undirbúningi knattspyrnufélaga fyrir Íslandsmótið í knattspyrnu í vel á annan áratug. Þá hefur KDN einnig staðið fyrir utandeild í knattspyrnu á sumrin, þar sem áhugafólk um knattspyrnu sem ekki leikur í efstu deildum Íslandsmótsins getur einfaldlega stofnað lið og skráð sig til leiks. Þetta mót hefur svo sannarlega tekist vel og hefur fest sig í sessi sem stór viðburður fyrir fólk sem þykir gaman að taka þátt í skipulögðu knattspyrnumóti en æfir ekki og spilar fyrir félag sem tekur þátt í Íslandsmótinu í knattspyrnu. Eins hefur KDN í gegnum árin lagt til dómara í mörgum árlegum knattspyrnumótum – en nefna má N1 mót KA, Pollamót Þórs og Verðbréfamót Samtaka fjármálafyrirtækja sem dæmi.

Stjórn KDN er kjörin á aðalfundi sem félagið heldur ár hvert, þar sem stjórn er kjörin og lög félagsins og reikningar samþykktir. Formaður félagsins er Bjarni Hrannar Reykjalín Héðinsson, varaformaður er Ásgeir Þór Ásgeirsson og gjaldkeri er Árni Rúnar Magnússon. Varamenn stjórnar eru Sveinn Þórður Þórðarson og Sverrir Gunnar Pálmason. Hægt er að hafa samband við Ásgeir Þór varaformann í síma 893 2507 eða á netfanginu asgeir84@hotmail.com.