Þór3 og Höttur frá Egilsstöðum áttust við í B deild í gær. Þór3 byrjaði leikinn betur og komst yfir strax á 5. mínútu með marki frá Rúnari Daða Vatnsdal eftir flott spil. Eftir markið var leikurinn jafn og skemmtilegur. Liðin skiptust á að sækja og spiluðu vel á köflum.
Höttur náði að jafna leikinn á 34. mínútu með marki frá Arnóri Snæ Magnússyni. Staðan í hálfleik var því jöfn, 1–1. Síðari hálfleikur var baráttumikill en lítið var um færi og leiknum lauk með jafntefli, 1–1, sem má teljast sanngjörn úrslit.
